Давлат ветеринария хизмати ходимлари томонидан Сурхондарё вилояти Термиз туманида инсонлар ҳамда ҳайвонлар учун ўта хавфли ва юқумли бўлган “Куйдирги касаллигининг келиб чиқиши ва тарқалишини олдини олиш” бўйича амалий семинар ва кўргазмали махсус-тактик ўқув машғулотлари ташкил этилди. Унда Давлат ветеринария хизмати, Фавқулодда вазиятлар бошқармаси, санитария-эпидемиологик осойишталик маркази ҳамда туман тиббиёт бирлашмалари ходимлари иштирок этишди. Тадбирда ҳайвонлар касалликлари, хусусан куйдирги касаллигининг олдини олишга қаратилган профилактик чора-тадбирлар атрофлича муҳокама қилинди.

Шунингдек, куйдирги касаллигини олдини олишга қаратилган махсус-тактик ўқув машғулотлари ўтказилди.