Ўзбекистон Республикаси Конституцияси қабул қилинганлигининг 30 йиллиги ҳамда Қишлоқ хўжалиги ходимлари куни муносабати билан Ветеринария ва чорвачиликни ривожлантириш давлат қўмитасида байрам тадбири ташкил этилди.

Тадбирда сўзга чиққан қўмита раиси Баҳром Норқобилов қўшалоқ байрам билан барчани қутлаб, ветеринария ва чорвачилик соҳаларида самарали ва фидокорона меҳнат олиб бораётган инсонларни “Ўзбекистон Конституциясининг 30 йиллиги” эсдалик нишони, “Ўзбекистон Республикаси ветеринария фидойиси” ва “Ўзбекистон Республикаси чорвачилик фидокори” кўкрак нишонлари билан тақдирлади.