Ветеринария ва чорвачиликни ривожлантириш давлат қўмитаси ва чорвадор фермер хўжаликлар вакиллари Туркия Республикасида хизмат сафарида бўлиб турибди.

Сафар давомида Туркия Республикасининг чорвачилик ва унинг тармоқларидаги тажрибасини ўрганиш мақсад қилинган.

Хусусан, жорий йилнинг 23 август санасида Туркия Сут ишлаб чиқарувчилар Кенгаши билан учрашув бўлиб ўтди.

Учрашувда чорвачилик ва сутчиликда замонавий технологиялар, Туркия ва Ўзбекистон қишлоқ хўжалигида сут ишлаб чиқариш статистикалари ва сохада тадбиқ этилаётган илғор иш усуллари борасида фикр алмашилди.

Бундан ташқари, келгусида икки мамлакат соха вакиллари иштирокида тренинг-семинарлар ташкил этиш масаласи муҳокама қилинди.