Мамлакатимизда гўшт нархи барқарорлиги таъминланмоқда

Мамлакатда чорвачилик соҳаси жадал суратларда ривожланмоқда. Хусусан, 2019 йилда чорвачилик субъектлари томонидан парваришланадиган қорамоллар сони улуши 4,5%ни ташкил этган бўлса, бугунги кунда ушбу улуш 10 фоизга яқинлашган.

"Ўзбекчорванасл" агентлиги бош директори ўринбосари Наргиза Омонбоева озиқ-овқат хавфсизлигини таъминлашда қилинаётган ишлар юзасидан “Даракчи” газетасига маълумот берди.

"Бугунги кунда озиқ-овқат хавфсизлигини таъминлаш энг муҳимдир. Чорвачилик маҳсулотлари ҳар бир хонадонга кириб бориши лозим. 3 йил аввал чорвачилик ва ветеринария бир тизим этиб ташкил этилди. Албатта озиқ-овқат хавфсизлигини таъминлашда чорвачиликни ўрни катта. Таҳлилларга қарасак, ишлаб чиқариш қувватини йилдан-йилга ошириш мақсадида тизимли ишлар амалга оширилмоқда",-дейди у.