Ветеринария ва чорвачиликни ривожлантириш давлат қўмитасида Коррупцияга қарши курашиш агентлиги масъул ходимлари иштирокида “Соҳада коррупцияга қарши кураш” мавзусида семинар ташкил этилди.

Унда қўмитанинг Коррупцияга қарши ички назорат бўлимининг 9 ой давомида амалга оширган ишлари бўйича ҳисоботи тингланди. Ҳамда Коррупцияга қарши курашиш агентлиги масъул ходимлари томонидан соҳадаги коррупциявий омиллар, унинг оқибатлари тўғрисида тушунтириш ишлари олиб борилди.

Шунингдек, соҳа мутахассислари тизимда фаолият олиб бораётган ҳар бир ходим иш жараёнида коррупция ҳолатларига йўл қўймаслик лозимлигини, бу иллатга қарши мардонавор курашиш кераклигини алоҳида таъкидлашди. Барча ходимлар огохликка чақирилди.