Ветеринария ва чорвачиликни ривожлантириш давлат қўмитаси раиси ўринбосари Сирожиддин Бердиқулов Германия Федерал озиқ-овқат ва қишлоқ хўжалиги вазирлиги делегацияси аъзолари билан учрашди. Учрашувда ҳар икки томон учун манфаатли лойиҳалар, мамлакатимизнинг ветеринария ва чорвачилик тармоқларига Германия инвестициясини жалб қилишнинг янги қирралари хусусида сўз борди. Делегация аъзолари, шунингдек “Ўзнаслчилик” корхонасида ҳам бўлди. Корхонанинг фаолияти билан яқиндан танишди. Меҳмонлар мазкур ташкилот фаолиятига жуда қизиқиш билдириб, қорамолчиликнинг наслчилик йўналишида ўзаро ҳамкорликни кучайтириш бўйича ўз таклифларини билдирди. Меҳмонлар ташриф давомида Тошкент вилоятида жойлашган сутчилик йўналишидаги замонавий чорва комплексини ҳам кўздан кечирди.